ሆቴሎች ከኮቪድ-19 ወረርሽኝ ጋር በተያያዘ ምን አይነት ጥንቃቄ ያርጋሉ የሚለውን ለመፈተሽ ነው ጉብኝቱ የተካሄደው፡፡ ዛሬ መጋቢት 27 ቀን 2012 ዓ.ም. ከሰአት በኋላ በካዛንቺስ እና ቦሌ አካባቢ በሚገኙ ሆቴሎች በመንቀሳቀስ ነው ጉብኝቱ የተደረገው፡፡
በኢፌዲሪ ባሕልና ቱሪዝም ሚኒስትሯ ክብርት ዶ/ር ሂሩት ካሳው የተመራው ቡድን የሆቴል ተገልጋዮችን አቀማመጥና ርቀት አጠባበቅ፤ የሆቴሎችን የንፅህና መጠበቂያ ቁሳቁስ አቅርቦት፤ በአንድ ስፍራ ላይ የሚከማቹ ሰዎችን ብዛት እና መሰል ጥንቃቄዎችን ተዘዋውሮ ተመልክቷል፡፡ በዚህም አብዛኞቹ በጥሩ ጥንቃቄ ላይ መሆናቸውን ተመልክተናል ያሉት ክብርት ሚኒስትሯ አልፎ አልፎ ግን ሰዎች ተቀራርበው የተቀመጡባቸውና የጥንቃቄ ቁሳቁስ የማይጠቀሙ ሰራተኞች ያሉባቸውን ሆቴሎች እንዲያስተካሉ መንገራቸውን ገልፀዋል፡፡

በጉብኝቱ ላይ የቱሪዝም ልማት ዘርፍ ሚንስትር ዲኤታ ክብርት ወ/ሮ ቡዜና አልከድር፣ የሆቴልና ቱሪዝም ስራ ማሰልጠኛ ተቋም ዋና ዳይሬክተር ወ/ሮ አስቴር ዳዊት፣ የአዲስ አበባ የሆቴል ባለቤቶች ማህበር ፕሬዝዳንት አቶ ቢኒያም ብስራት ተገኝተው የነበረ ሲሆን ለመገናኛ ብዙሃንም ስለጉብኝቱ አላማና ተያያዥ ጉዳዮች አጭር መግለጫ ሰጥተዋል፡፡
በአሁኑ ሰአት በሃገራችን ኮቪድ-19 ኮሮና ቫይረስ የተገኘባቸው ሰዎች ብዛት 43 የደረሰ ሲሆን በዛሬው ዕለት የመጀመሪያዋ በቫይረሱ ህይወታቸውን ያጡ ሴት መመዝገባው ይታወቃል፡፡