የባህልና ቱሪዝም ዘርፍን እንዲመሩ የተሾሙ ሚኒስትሮች ከመ/ቤቱ ሠራተኞች ጋር ትውውቅ አደረጉ

ግንቦት 8/2010 ዓ.ም በብሔራዊ ቤተ - መዛግብትና ቤተ - መጻህፍት ኤጀንሲ መሰብሰቢያ አዳራሽ በተካሄደው የትውውቅ መድረክ ላይ ክብርት ወ/ሮ ፎዚያ አሚን የኢ.ፌ.ዴ.ሪ ባህልና ቱሪዝም ሚኒስቴር ሚኒስትር ክብርት ወ/ሮ ቡዜና አልከድር፣ የቱሪዝም ልማት ዘርፍ ሚኒስትር ዴኤታ እና ክብርት ወ/ሮ ብዙነሽ መሠረት የባህል ልማት ዘርፍ ሚኒስትር ዴኤታ ከሚኒስቴር መስሪያ ቤቱ አጠቃላይ መካከለኛ አመራሮች እና ፈጻሚዎች ጋር ትውዉቅ አድርገዋል፡፡ 


ዘርፉን በመምራት ሂደት በሚኖራቸው ቆይታ በሴክተሩ በየደረጃው ያሉ ችግሮችን በመለየት ክፍተቶችን በማስተካከል እና የነበሩትን መልካም ጅምሮች አጠናክሮ በማስቀጠል ላይ እንደሚያተኩሩ ጠቁመው ለዚህም ሁሉም የሚ/ር መ/ቤቱ ሰራተኞች ከጎናቸው እንዲቆሙ ጥሪ አቅርበዋል፡፡ በቀጣይ በሚ/ር መ/ቤቱ ግልጸኝነት እና ተጠያቂነት የሰፈነበት አሰራር ለማስፈን ልዩ ትኩረት ሰጥተው እንደሚሰሩ አጽንዖት ሰጥተው ተናግረዋል፡፡ 


በመጨረሻም የሚ/ር መ/ቤቱ ሠራተኞች የለውጥ መሳሪያዎችን በሚገባ ተረድተው ተግራዊ በማድረግ እና ቀልጣፋ አገልግሎት እንዲሰጡና በአዲስ የሥራ መንፈስ ወደ ተግባር በመግባት የተሻለ ውጤት ለማምጣት ከመቼውም ጊዜ በላይ መትጋት እደሚጠበቅባቸው አሳስበዋል፡፡