ቅርስን መጠበቅ፣ መንከባከብ ፣ ማሻገርና ለትውልድ ማስተላፍ የትውልድ ሓላፊነት ነው፡፡

ሰው ሰራሽ እና ተፈጥሮአዊ ቅርሶቻችን በተለያዩ ምክንያቶች ለከፋ አደጋ ይጋለጣሉ፡፡ ከእነዚህ የአደጋ መንሥኤዎች አንዱ ቅርስ አጥፊዎችና ዘራፊዎች ያልተገባ ጥቅም ለማግኘት ሲሉ በክብር ከተቀመጡበት ቦታ በስርቆት ወደ ሩቅ ቦታዎች እንዲወሰዱና ከእናት ምድራቸው እንዲጠፉ ማድረግ ነው፡፡

ቅርሶቻችን በተመለከተ ትውልዱ የተሟላ እውቀት፣ እምነትና፣ ግንዛቤ እንዲኖረው እኔ የምመራው የሚኒስቴር መስሪያ ቤት ሰፊ የሆነ እንቅስቃሴ ጀምሮአል፡፡ በዛሬው እለት ከኔዘርላንድ ወደትውልድ አገሩ ኢትዮጵያ የመጣው የራስ ወልደ ስላሤ ዘውድ ክቡር ዶ/ር ዐቢይ አህመድ ተረከበው አደራውን ለእኔ ሰጥተው ብሔራዊ ሙዚየም ለሕዝብ ክፍት ሆኖ ከታየ በኋላ ወደ ጥንተ ምድሩ(በክብር አስቀድሞ ተቀምጦበት ወደነበረው ስፍራ ጨለቆት ስላሤ ይወሰዳል፡፡ የነገይቱ ኢትዮጵያ አገር ተረካቢዎች ከሆናችሁ ወጣቶች መካከል  (ስኩል ኦፍ ቱሞሮው) የቦሌ ቅርንጫፍ  ትምህርት ቤት ተማሪዎች በዚህ ታሪካዊ ዕለት በመካከላችን በመገኘታችሁና ይህንን ልትጠብቁት የሚገባ የአገር ቅርስ ርክክብ ሥነስርዓት በመታደማችሁ እንኳን ደስ አላችሁ እላለሁ፡፡

ወደትምህርት ቤቶቻችሁ ጎራ ብየ ሰፊ ስልሆነው የቱሪዝምና የባህል እንዲሁም የስፖርት ሀብቶቻችን አጠቀላይ ሁሌታ ለመወያየት እንዲሁም የተጣለባችሁን አደራ ለማስገንዘብ  ፕሮግራም እንድይዝላችሁ በጠየቃችሁኝ መሠረት በቅርብ  በመካከላችሁ እንደምገኝ ቃል እገባላችኋለሁ፡፡

 

ክብርት ዶ/ር ሂሩት ካሳው
የኢፌዲሪ የባህና ቱሪዝም ሚኒስቴር ሚኒስትር፡፡
 


ዜናዎች ዜናዎች